آن لائن پاکستان ڈیجیٹل
Related Articles
وفاقی وزیرداخلہ سید محسن نقوی کی زیر صدارت رات گئے امن و امان کا جائزہ لینے سے متعلق اعلیٰ سطح کا اجلاس منعقد ہوا۔ وزارت داخلہ کی جانب سے جاری بیان کے مطابق وزیر داخلہ نے کہا کہ کسی کو ریڈ زون میں آنے کی اجازت نہیں دے سکتے، امن عامہ برقرار رکھنا ہماری اولین ترجیح ہے۔ انہوں نے کہا کہ احتجاج کرنا ہر ایک کا حق ہے، احتجاج مناسب جگہ پر ہونا چاہیے اور احتجاج سے عوام کے روزمرہ معمولات میں خلل نہیں پڑنا چاہیے۔
وزیر داخلہ محسن نقوی نے کہا کہ عوام کے جان ومال کا تحفظ پہلی ذمہ داری ہے، عوام کے جان ومال کے لئے قانون کی عملداری کو یقینی بنایا جائے گا۔ سید محسن نقوی نے کہا کہ قانون ہاتھ میں لینے والوں کے خلاف قانون حرکت میں آئے گا۔ اجلاس میں امن عامہ کی صورتحال کا تفصیلی جائزہ لیا گیا۔
