آن لائن پاکستان ڈیجیٹل
Related Articles
اسلام آباد: اینٹی نارکوٹکس فورس نے منشیات اسمگلنگ کے خلاف جاری کریک ڈاؤن کے دوران 10 کاروائیوں میں 70 کروڑ روپے مالیت کی 37 کلو سے زائد منشیات برآمد کر کے 15 ملزمان گرفتار کر لئے۔ ترجمان اے این ایف کے مطابق اسلام آباد ایئرپورٹ پر نائیجیریا سے آنے والے مسافر سے 7.5 کلو ویڈ برآمد ہوئی، پشاور ایئرپورٹ پر قطر جانے والے مسافر سے 980 گرام آئس، کراچی ایئرپورٹ پر قطر جانے والے مسافر سے 402 گرام آئس کی گئی۔
لاہور ایئرپورٹ سے سعودیہ جانے والے مسافر سے 150 گرام نشہ آور گولیاں، جی ٹی روڈ نوشہرہ پر 2 ملزمان سے 2.4 کلو افیون، 6 کلو ہیروئین، 1.2 کلو چرس اور 3 کلو آئس برآمد ہوئی۔ ایم ون اسلام آباد پر دو کاروائیوں میں 4 ملزمان سے140 گرام افیون، 150 گرام ہیروئن، 1.2 کلو چرس اور 1.1 کلو آئس برآمد کی گئی۔
اس طرح کوئٹہ میں دو کاروائیوں میں 4 ملزمان سے 10 کلو ہیروئین اور 2 کلو آئس جبکہ کراچی میں یونیورسٹی کے قریب سے ملزم سے 98 گرام چرس اور 20 گرام آئس برآمد ہوئی۔ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
