آن لائن پاکستان ڈیجیٹل
Related Articles
اسلام آباد: نگراں وزیراعظم انوار الحق کاکڑ نے ملک میں مزید شپ یارڈ کی تعمیر کے عمل کو تیز کرنے اور ان منصوبوں میں ماحولیاتی عنصر کو ملحوظ خاطر رکھنے کی ہدایت کی ہے۔ جمعرات کو وزیر اعظم آفس کے میڈیا ونگ سے جاری بیان کے مطابق نگراں وزیراعظم انوار الحق کاکڑ کی زیر صدارت پاکستان میں بحری جہازوں کی تعمیر کے پالیسی بورڈ کا اجلاس منعقد ہوا۔اجلاس میں ملک میں شپ یارڈز کی تعمیر کی موجودہ صورتحال کا جائزہ لیا گیا۔
وزیراعظم کو بریفنگ میں بتایا گیا کہ بلوچستان میں سور بندر، ایسٹ بے، کپّر اور پشو خان کے مقامات پر شپ یارڈز تعمیرکی جا سکتی ہیں۔وزیراعظم نے متعلقہ حکام کو ملک میں مزید شپ یارڈز کی تعمیر کے عمل کو تیز کرنے کی ہدایت کی۔وزیراعظم نے متعلقہ حکام کو شپ یارڈز کی تعمیر کے منصوبوں میں ماحولیاتی عنصر کو ملحوظ خاطر رکھنے کی ہدایت کی۔وزیراعظم نے متعلقہ حکام کو ساحلی علاقوں میں غیر قانونی ٹرالنگ کی روک تھام کے لئے مؤثر حکمت عملی تشکیل دینے کی بھی ہدایت کی۔
