آن لائن پاکستان ڈیجیٹل
Related Articles
اسلام آباد: وزیر اعظم محمد شہباز شریف نے کہا ہے کہ اپنے ملک کی تقدیر کے ضامن نوجوانوں اور طلبہ کو بااختیار بنانے کے لیے اپنا کام کرنے سے زیادہ میرے لئے کوئی اور خوشی نہیں ہوتی ۔
ہفتہ کو اپنے ایک ٹویٹ میں انہوں نے کہا کہ گزشتہ روز وزیر اعظم لیپ ٹاپ سکیم کے ملک گیر آغاز نے وہ سفر دوبارہ شروع کر دیا جو پنجاب میں میاں نواز شریف کی قیادت میں مسلم لیگ (ن) کی حکومت نے شروع کیا تھا۔ وزیر اعظم نے مزید کہا کہ یہ ایک دلچسپ سفر ہے کہ کس طرح ان لیپ ٹاپس نے طالب علموں کو ان کی پڑھائی، کاروباری بننے اور پچھلی دہائی کے دوران فائدہ مند کیریئر بنانے میں مدد کی۔ لیپ ٹاپ سکیم واقعی گیم چینجر ثابت ہوئی ہے جس کی وجہ سے کامیابی کی شاندار کہانیاں سامنے آئیں۔
وزیر اعظم محمد شہباز شریف نے کہا کہ موجودہ سکیم کے تحت پاکستان کے طلبا میں مرحلہ وار ایک لاکھ لیپ ٹاپ تقسیم کیے جائیں گے۔ ماضی کی طرح، شفافیت اور میرٹ وصول کنندگان کے انتخاب میں رہنما اصول ہوں گے
